هادم اللذات ومفرق اللمسات بالمكالمات
قربى منى شوية ياحبيبتى.. وحشتينى اوى .. اناوالله بح... "صوت الموبايل"... استغفر الله العظيم هو انا مش هكمل الحلم ده ابدا ..
- الو مين معاى
* استاذ فلان الفلانى بن فلان الفلانى
- ايوه ياسيدى انا انا
* طيب ممكن تجهز وتحضر نفسك كويس معاك مكتب رئيس الجمهورية
- ليه خير.. فى ايه.. احنا هنزر.. مين معاى
* قلتلك رياسة الجمهورية وسيادة الريس هيكلمك فجهز نفسك وانتظر المكالمة
- الو الو الو رئيس هيكلمنى انا ، ايه الهزار الفارغ ده هو الرئيس بيكلم حد ولا بيعبر حد اصلا، هو يعنى لو كان بيكلم حد ولا بيسمع لحد كان ده بقى حالنا اليومين دول ...
بس والله ليه لأ ماهى بقت موضة دلوقت والرئيس شخصيا عملها كام مرة فى الفترة الأخيرة فى إطار محاولاته للتقرب من شعبه الحبيب خصوصا الصحفيين .. ياخبر لو بجد .. ربنا يستر .. أكيد مش هيكلمنى علشان خاطر عيونى ولا علشان يشكرنى على أخر حاجة حلوة قلتها فى حقه
.. يبقى اكيد المكالمة غرضها وحش هيفش غله فى بكلمتين وشتمتين على الماشى لأهلى واللى جابونى واللى معرفوش يربونى ... وانا طبعا مش هعرف أرد لأن التليفونات هتبقى متراقبة، أكيد هيعاتبنى على أى حاجة قلتها فى حقه.. إيه الخوف ده أناخايف من الريس أوى كده ليه! طيب لو جه لحد عندى هعمل إيه .. ولاأنا متعود أكتب وبس ... ولا يمكن الريس يكون "له هيبه وانا مش واخد بالى منها الفترة اللى فاتت ولا يمكن جلال الموقف وعظمته... أكيد جلال الموقف وعظمته هم اللى عملوا فى كده وكمان الراجل فى سن جدى ولازم أهابه وأحترمه ولو على سبيل المجاملة يعنى أمسك لسانى وبلاش العيبة تطلع منى .. ومش جايز الراجل مكلمنى يعتذر عن اللى بيعمله فى البلد او جايز كلمه من اللى انا كتبتهم هزور قلبه وحركت مشاعيره وقرر بعدها التوبة والانابة وقرر يكون ده من خلالى ... هو متصلش ليه لحد الوقت اتاخر ماهى دى عوايده، فى كل حاجة بيتأخر بنفسه وبينا وبالبلد...." صوت الموبايل" آآآخ اكيد سمعنى
- الو
* ايوة يا يابنى ازيك انا رئيس الجمهورية .."كده ياريس من غير سلام عليكم حتى "
- ايوة سيادتك يافندم اناوالله ماعارف اقولك ايه أنا......
* من غير ماتقول حاجة انا مقدر موقفك .. انت عارف طبعا إنى مش بقرأ الجرايد بتاعتكم دى خالص لأنها متلزمنيش وبتعكنن على اليوم لكن الحكاية ياسيدى إن سمعت حاجة كده إنت كتبها ومش عجبانى خالص
حاجة واحدة بس ياريس .."ياخسارة دا انا فاشل اوى "فى عقل بالى طبعا الكلام ده !
انا زعلان منك اوى بس لما عرفت انك شاب صغير ولسه بتبدا حياتك قولت لهم يسيبوك خصوصا انى عارف انك يتيم وحيلة امك
ياريس والله احنا كده فى سجن وكده فى سجن بس مش اعرف انت زعلان منى ليه الاول مش يمكن يكون عندى حق !
سجن ايه يابنى انت لسه صغير ده انا سايبكم تعملوا اللى انتو عايزينه امال لو قعدت كل واحد فيكم فى بيته هتقول ايه واسال اللى مشغلك انا قدرت اقعده فى بيتهم كام سنة وخرجته منه بمزاجى .. بمزاجى وبس مش علشان حاجة تانية .. انا سايبكم شاغلين وبتكلوا عيش احمد ربنا
طيب ياريس انت الكبير برضه واذا كنت شايف كده يبقى كده بس انا شايف حاجة تانية خالص .. ممكن اعرف سعادتك زعلان منى ليه ؟
انا سمعت ياسيدى انك قرفان منى انا والمدام وبصريحة العبارة مش عاوزنى انا وهى نزوركم فى دمياط وكانى يعنى جايلك انت مخصوص ده انا اليوم اللى بنزل فيه اى حته بيقى عيد ليه تقوم انت تقول انك مش عايز تشوف وشنا فى دمياط لاننا بنقلب حال البلد ليه كده يابنى !
ياريس والله كل واحد حر فى بلده وانا ما منعتش حضرتك دى بلدك برضه بس انا قلت اعرفك انك ضيف تقيل وغير مرغوب فيك بتيجى تعمل ازمة على الفاضى علشان صورتين وكام مانشيت فى اى جرنان من بتوعك ممكن اى حد من السادة رجالتك يضربهم فى ساعة ومفيش اسهل من تركيب الصور اليومين دول
* يابنى انت لو كنت شفت الدمايطة واقفين بيستقبلونى ازاى ولو كنت شفت يفط ولوحات الترحيب قد ايه كتير كنت عرفت الحقيقة انت مضحوك عليك
- ياريس ماهى دى المشكلة سعادتك بتصدق اللى بتسمعه واللى هم عايزينك تشوفه وخلاص دى زفه متجهزة من رجال الاعمال واصحاب المصالح وبتوع الحزب كل واحد علق كام يفطة .. لزوم النفاق ونيل المراد والاشتياق والذى منه .. بزمتك ياريس عمرك شوفت عامل ولا موظف عادى مالوش فى البيزنس معلق يافطة او طلع يستقبللك ... اكيد لا
* ولو يا يابنى يعنى هم رجال الاعمال مش قطاع عريض من الشعب المصرى وبعدين هو انا من قيمتى ان اللى يطلع يستقبلنى يكون عامل ولا فلاح .. انت بتخرف ولا ايه ؟!
- ياريس والله انا معنديش اعتراض انك تشرفنا فى دمياط و....
*ليه هو انت عايز تعترض كمان هى بلد ابوك ولا ايه
- لا يافندم بلدكم انتم ... طبعا بلدنا ومفيش مشاكل انك تشرفها بزيارتك بس من غير اذية للناس يعنى الواحد ميصحاش من النوم يلاقى الشوارع متقفلة وموقف العربيات مفيهوش عربيات والشارع اليمين يبقى فى الشمال والدنيا تبقى زحمة و مش عارفين نعيش حياتنا فى هدوء ياريس تصدق بالله انا فى اليوم ده مكنتش نايم ومعرفتش انام فى الميكروباص ... وكنت هتخانق مع السواق بسببك وسافرت فى اتوبيس خردة برضه بسببك انت والمدام يرضيك يافندم ان واحد من رعاياك يتبهدل البهدلة الغير الادمية دى
*طبعا يرضينى لو كان فى سبيل الوطن .. لانى راحتى وامانى وسلامتى من سلامة وراحة الوطن .. ولا انت مش وطنى ولا ايه وبعدين انت كده كنت بتسوء صورة الدمياطة وطلعتهم اهل بخل وقلة ذوق فى التعالم مع الضيوف .. مش عيب عليك تسوء سمعة بلدك علشان تحقق لنفسك شوية شهرة
- والله يافندم مسالة البخل دى بالذات يحكم فيها الناس اللى مش لاقية تاكل فى الشوارع !
* عموما يا يابنى انت لسه صغير وانا مش عايز اضرك انت واللى زيك مستقبل مصر بس الناس اللى انت شغال معاهم مسممين افكارك مصلحة البلد يابنى انا بس اللى اعرفها وانا اللى فهمها راجع نفسك شوية وروح اشتغل فى مؤسسة قومية عريقة وهم هيعرفوك الحقيقة هيعرفوك ان أمان مصر ومصلحتها معاى انا بس وبالنسبة لدمياط انا ممكن اقفلها من بكرة واملها شقة مفروشة لحد من اصحابى او العيال لانها متلزمنيش فى حاجة دول كانوا يومين انتخابات وعدوا وانا واثق ان الناس بتحبنى قد ايه ... تقريبا هو الجرنان بتاعكم وشوية الحاقدين اللى بيقروه هم بس اللى بيكرهونى اناهسيبكم تعملوا اللى انتو عايزينه لحد ماتزهقوا ولا هتزهزا شعرة فى راسى انا بس كلمتك انت بس علشان العتاب البسيط ده فى اطار خلق صورة ذهنية طيبة عنىفى الخارج وادى انطباع للامريكان انى ديمقراطى وبتاع حوار زى ما المستشار بتاعى قالى غير كده والله العظيم كنت فرمتك انت فاهم
- فاهم ياباشا... بس والنبى متقفلش السماعة فى وشى اصل ممكن اتقهر اوى واتعب فيها .. يرضيك واحد من رعاياك يتقهر ويتعب !
* اه يرضينى ونص ........ وتك
قربى منى شوية ياحبيبتى.. وحشتينى اوى .. اناوالله بح... "صوت الموبايل"... استغفر الله العظيم هو انا مش هكمل الحلم ده ابدا ..
- الو مين معاى
* استاذ فلان الفلانى بن فلان الفلانى
- ايوه ياسيدى انا انا
* طيب ممكن تجهز وتحضر نفسك كويس معاك مكتب رئيس الجمهورية
- ليه خير.. فى ايه.. احنا هنزر.. مين معاى
* قلتلك رياسة الجمهورية وسيادة الريس هيكلمك فجهز نفسك وانتظر المكالمة
- الو الو الو رئيس هيكلمنى انا ، ايه الهزار الفارغ ده هو الرئيس بيكلم حد ولا بيعبر حد اصلا، هو يعنى لو كان بيكلم حد ولا بيسمع لحد كان ده بقى حالنا اليومين دول ...
بس والله ليه لأ ماهى بقت موضة دلوقت والرئيس شخصيا عملها كام مرة فى الفترة الأخيرة فى إطار محاولاته للتقرب من شعبه الحبيب خصوصا الصحفيين .. ياخبر لو بجد .. ربنا يستر .. أكيد مش هيكلمنى علشان خاطر عيونى ولا علشان يشكرنى على أخر حاجة حلوة قلتها فى حقه
.. يبقى اكيد المكالمة غرضها وحش هيفش غله فى بكلمتين وشتمتين على الماشى لأهلى واللى جابونى واللى معرفوش يربونى ... وانا طبعا مش هعرف أرد لأن التليفونات هتبقى متراقبة، أكيد هيعاتبنى على أى حاجة قلتها فى حقه.. إيه الخوف ده أناخايف من الريس أوى كده ليه! طيب لو جه لحد عندى هعمل إيه .. ولاأنا متعود أكتب وبس ... ولا يمكن الريس يكون "له هيبه وانا مش واخد بالى منها الفترة اللى فاتت ولا يمكن جلال الموقف وعظمته... أكيد جلال الموقف وعظمته هم اللى عملوا فى كده وكمان الراجل فى سن جدى ولازم أهابه وأحترمه ولو على سبيل المجاملة يعنى أمسك لسانى وبلاش العيبة تطلع منى .. ومش جايز الراجل مكلمنى يعتذر عن اللى بيعمله فى البلد او جايز كلمه من اللى انا كتبتهم هزور قلبه وحركت مشاعيره وقرر بعدها التوبة والانابة وقرر يكون ده من خلالى ... هو متصلش ليه لحد الوقت اتاخر ماهى دى عوايده، فى كل حاجة بيتأخر بنفسه وبينا وبالبلد...." صوت الموبايل" آآآخ اكيد سمعنى
- الو
* ايوة يا يابنى ازيك انا رئيس الجمهورية .."كده ياريس من غير سلام عليكم حتى "
- ايوة سيادتك يافندم اناوالله ماعارف اقولك ايه أنا......
* من غير ماتقول حاجة انا مقدر موقفك .. انت عارف طبعا إنى مش بقرأ الجرايد بتاعتكم دى خالص لأنها متلزمنيش وبتعكنن على اليوم لكن الحكاية ياسيدى إن سمعت حاجة كده إنت كتبها ومش عجبانى خالص
حاجة واحدة بس ياريس .."ياخسارة دا انا فاشل اوى "فى عقل بالى طبعا الكلام ده !
انا زعلان منك اوى بس لما عرفت انك شاب صغير ولسه بتبدا حياتك قولت لهم يسيبوك خصوصا انى عارف انك يتيم وحيلة امك
ياريس والله احنا كده فى سجن وكده فى سجن بس مش اعرف انت زعلان منى ليه الاول مش يمكن يكون عندى حق !
سجن ايه يابنى انت لسه صغير ده انا سايبكم تعملوا اللى انتو عايزينه امال لو قعدت كل واحد فيكم فى بيته هتقول ايه واسال اللى مشغلك انا قدرت اقعده فى بيتهم كام سنة وخرجته منه بمزاجى .. بمزاجى وبس مش علشان حاجة تانية .. انا سايبكم شاغلين وبتكلوا عيش احمد ربنا
طيب ياريس انت الكبير برضه واذا كنت شايف كده يبقى كده بس انا شايف حاجة تانية خالص .. ممكن اعرف سعادتك زعلان منى ليه ؟
انا سمعت ياسيدى انك قرفان منى انا والمدام وبصريحة العبارة مش عاوزنى انا وهى نزوركم فى دمياط وكانى يعنى جايلك انت مخصوص ده انا اليوم اللى بنزل فيه اى حته بيقى عيد ليه تقوم انت تقول انك مش عايز تشوف وشنا فى دمياط لاننا بنقلب حال البلد ليه كده يابنى !
ياريس والله كل واحد حر فى بلده وانا ما منعتش حضرتك دى بلدك برضه بس انا قلت اعرفك انك ضيف تقيل وغير مرغوب فيك بتيجى تعمل ازمة على الفاضى علشان صورتين وكام مانشيت فى اى جرنان من بتوعك ممكن اى حد من السادة رجالتك يضربهم فى ساعة ومفيش اسهل من تركيب الصور اليومين دول
* يابنى انت لو كنت شفت الدمايطة واقفين بيستقبلونى ازاى ولو كنت شفت يفط ولوحات الترحيب قد ايه كتير كنت عرفت الحقيقة انت مضحوك عليك
- ياريس ماهى دى المشكلة سعادتك بتصدق اللى بتسمعه واللى هم عايزينك تشوفه وخلاص دى زفه متجهزة من رجال الاعمال واصحاب المصالح وبتوع الحزب كل واحد علق كام يفطة .. لزوم النفاق ونيل المراد والاشتياق والذى منه .. بزمتك ياريس عمرك شوفت عامل ولا موظف عادى مالوش فى البيزنس معلق يافطة او طلع يستقبللك ... اكيد لا
* ولو يا يابنى يعنى هم رجال الاعمال مش قطاع عريض من الشعب المصرى وبعدين هو انا من قيمتى ان اللى يطلع يستقبلنى يكون عامل ولا فلاح .. انت بتخرف ولا ايه ؟!
- ياريس والله انا معنديش اعتراض انك تشرفنا فى دمياط و....
*ليه هو انت عايز تعترض كمان هى بلد ابوك ولا ايه
- لا يافندم بلدكم انتم ... طبعا بلدنا ومفيش مشاكل انك تشرفها بزيارتك بس من غير اذية للناس يعنى الواحد ميصحاش من النوم يلاقى الشوارع متقفلة وموقف العربيات مفيهوش عربيات والشارع اليمين يبقى فى الشمال والدنيا تبقى زحمة و مش عارفين نعيش حياتنا فى هدوء ياريس تصدق بالله انا فى اليوم ده مكنتش نايم ومعرفتش انام فى الميكروباص ... وكنت هتخانق مع السواق بسببك وسافرت فى اتوبيس خردة برضه بسببك انت والمدام يرضيك يافندم ان واحد من رعاياك يتبهدل البهدلة الغير الادمية دى
*طبعا يرضينى لو كان فى سبيل الوطن .. لانى راحتى وامانى وسلامتى من سلامة وراحة الوطن .. ولا انت مش وطنى ولا ايه وبعدين انت كده كنت بتسوء صورة الدمياطة وطلعتهم اهل بخل وقلة ذوق فى التعالم مع الضيوف .. مش عيب عليك تسوء سمعة بلدك علشان تحقق لنفسك شوية شهرة
- والله يافندم مسالة البخل دى بالذات يحكم فيها الناس اللى مش لاقية تاكل فى الشوارع !
* عموما يا يابنى انت لسه صغير وانا مش عايز اضرك انت واللى زيك مستقبل مصر بس الناس اللى انت شغال معاهم مسممين افكارك مصلحة البلد يابنى انا بس اللى اعرفها وانا اللى فهمها راجع نفسك شوية وروح اشتغل فى مؤسسة قومية عريقة وهم هيعرفوك الحقيقة هيعرفوك ان أمان مصر ومصلحتها معاى انا بس وبالنسبة لدمياط انا ممكن اقفلها من بكرة واملها شقة مفروشة لحد من اصحابى او العيال لانها متلزمنيش فى حاجة دول كانوا يومين انتخابات وعدوا وانا واثق ان الناس بتحبنى قد ايه ... تقريبا هو الجرنان بتاعكم وشوية الحاقدين اللى بيقروه هم بس اللى بيكرهونى اناهسيبكم تعملوا اللى انتو عايزينه لحد ماتزهقوا ولا هتزهزا شعرة فى راسى انا بس كلمتك انت بس علشان العتاب البسيط ده فى اطار خلق صورة ذهنية طيبة عنىفى الخارج وادى انطباع للامريكان انى ديمقراطى وبتاع حوار زى ما المستشار بتاعى قالى غير كده والله العظيم كنت فرمتك انت فاهم
- فاهم ياباشا... بس والنبى متقفلش السماعة فى وشى اصل ممكن اتقهر اوى واتعب فيها .. يرضيك واحد من رعاياك يتقهر ويتعب !
* اه يرضينى ونص ........ وتك
posted by محمد الدسوقى رشدى @ 11:35 AM
0 Comments:
Post a Comment
<< Home