وبعزم ما في ناديت
ياسيدي
أنا هويت هذا الوطن
ملقتشي فيه ثمن الكفن
لما انتهيت
يا سيدي يا مصطفى
العدل م الدنيا اختفى
ونا مش سعيد
Happyأنا مش
والكلمة دي انجليزي
باختصار يعني روم
يا سيدي يا مصطفى
بعد ما غاصوا في العلن
وفي الخفا
وصلوا لحرام النوم
واستخبوا
في المراتب وف نسيج الألحفة
واحنا عبيد
لا عاد عمر
ولا عاد لنا ابن الوليد
احنا عبيد
وسِيدنا مش هو الإله
سيدنا قابض ع الوريد
قتل النشيد
ورفعنا صِوَره من جديد
تتباهى بيها الأغلفة
وما عدشي لينا غير سنان
لو تنفتح.. منها تبان
معدة وخاوية من زمان
مشتاقة طحن الأرغفة
أنا مش نبى
لكني باسعى عشان أكون
وازاي
حاكون
والدم
مالي الأرصفه؟
"عمر نجم"
posted by محمد الدسوقى رشدى @ 8:41 AM
4 Comments:
At 1:29 PM,
vision said…
حلوه حلوه حلوه روعه روعه روعه
الاا قولى مين عمرو نجم ده
At 10:21 AM,
Anonymous said…
تحفه فنيه تدوخ
بس فعلا
مين عمر نجم ده؟؟
تحياتى الحاره
At 2:34 PM,
محمد الدسوقى رشدى said…
عمر نجم ده شاعر صعيدى محترم مزاجه عالى اوى وكلامه حلو اوى وبن بلد اوى
كل اللى اقدر اقوله انه ياريته لسه عايش
At 10:49 AM,
Mony The Angel said…
rabena yer7amoo..
bgad to7fa awe awe awe..
w gamda kman alsoora ally enta hatetha lelpost ;)
Post a Comment
<< Home